कोकणाची चव ही आंबट प्रकारात मोडते, अन्न पानाचे काम केल्यामुळे चांगले होते, तेव्हा मासांहारी जेवण असेल तेव्हा कोकणाची कढी मुद्दाम करतात.
साहित्य:-
1)10-12 कोकम,
2)1मोठा चमचा जीरे,
3)7-8मीर,
4)1छोटा तुकडा डालचीनी
5 )2-3लवंग
6)3-4 लसून पाकळ्या सोलून,
7)अगदी छोटा तुकडा आल,
8)1मोठा चमचा कोंथीबीर चिरून
9)1छोटा चमचा राई
10)1वाटी नारळाचे दूध गाळून
11)चवीनूसार मीठ
12)1मोठा चमचा साजूक तूप
13)3-4मिरच्या
14)1/4चमचा हिंग
15)1छोटा चमचा हळद
कृती:- 10-12 कोकम स्वच्छ धुवून उकडून घ्यावीत, त्याची बारीक पेस्ट करावी,
मीर,2- 3 लसूण पाकळ्या, आल, जीर,लंवग डालचीनी मिक्सर मध्ये बारीक वाटून घ्यावे
. कढई तापत ठेवून त्यात एक चमचा तूप टाकून मोहरी टाकून, मोहरी तडतडली की 1-2 लसनाच्या पाकळ्या ठेचून टाकाव्यात। व सोनेरी रंग होईपर्यंत परतावा. अतिशय सुंदर वास येतो.त्यात हिंग हळद, कोकमाची पेस्ट, लसूण जीर्याच वाटण, दोन वाट्या पाणी, 1वाटी नारळाचं दूध, मीठ, कोथिंबीर ,टाकून छान उकळी आणावी.
टीप:- 1)कढी दाट नको असेल पातळ हवी असेल तर कोकम उघडल्यावर थंड करून त्याच पाण्यात कुस्करुन ते पाणी गाळून घ्यावे. त्याने आंबटपणा येतो, पण कढी दाट होत नाही.
2) उकडलेली कोकम व जिरे, मीर वाटण एकत्र करून वाटले तरी चालेल,पण पेस्ट बारीक हवी, नाहीतर चरचरीत मसाला चांगला लागत नाही, रुपतो.
टिप्पण्या
टिप्पणी पोस्ट करा